1Ki 4 | Ndebele | STEP | Ngakho inkosi uSolomoni yaba yinkosi phezu kukaIsrayeli wonke.

1 Kings 4

Iziphathamandla zikaSolomoni

1 Ngakho inkosi uSolomoni yaba yinkosi phezu kukaIsrayeli wonke. 2 Lalezi yiziphathamandla ayelazo: UAzariya indodana kaZadoki wayengumpristi; 3 uElihorefi loAhiya amadodana kaShisha ^a babengababhali; uJehoshafathi indodana kaAhiludi wayengumabhalane; 4 loBhenaya indodana kaJehoyada wayephezu kwebutho ^b; loZadoki loAbhiyatha babengabapristi ^c; 5 loAzariya indodana kaNathani wayephezu kwabaphathi ^d; uZabudi indodana kaNathani wayengumphathi omkhulu ^e, umngane wenkosi ^f; 6 loAhishari wayengumlawuli wendlu; loAdoniramu indodana kaAbida wayephezu kwemithelo ^g.

7 USolomoni wayelabaphathi abalitshumi lambili phezu kukaIsrayeli wonke, ababedingela inkosi lendlu yayo ukudla, ngulowo lalowo ngenyanga yakhe ngomnyaka wadinga ukudla ^h. 8 Lala ngamabizo abo: UBeni-Huri entabeni zakoEfrayimi ⁱ. 9 UBeni-Dekeri eMakazi leShahalibimi ^j leBeti-Shemeshi ^k leEloni-Beti-Hanani. 10 UBeni-Hesedi eArubothi, eleSoko ^l lelizwe lonke leHeferi ^m. 11 UBeni-Abinadaba wayelelizwe lonke leDori ⁿ; uTafathi indodakazi kaSolomoni wayengumkakhe. 12 UBahana indodana kaAhiludi ^o wayeleThahanakhi ^p leMegido ^q layo yonke iBeti-Sheyani ^r, eseceleni kweZarethani ^s ngaphansi kweJizereyeli ^t, kusukela eBeti-Sheyani ^u kuze kube seAbeli-Mehola ^v, kuze kube ngaphetsheya kweJokimeyama ^w. 13 UBeni-Geberi eRamothi-Gileyadi ^x wayelemizi kaJayiri indodana kaManase, eseGileyadi ^y, wayelelizwe leArigobi ^z, eliseBashani, imizi engamatshumi ayisithupha emikhulu elemiduli lemigoqo yethusi ^aa. 14 UAhinadaba indodana kaIdo eMahanayimi ^ab. 15 UAhimahazi wayekoNafithali ^ac; laye wathatha uBasemathi indodakazi kaSolomoni abe ngumkakhe. 16 UBahana indodana kaHushayi wayekoAsheri leAlothi ^ad. 17 UJehoshafathi indodana kaParuwa wayekoIsakari. 18 UShimeyi indodana kaEla wayekoBhenjamini ^ae. 19 UGeberi indodana kaUri wayeselizweni leGileyadi, ilizwe likaSihoni inkosi yamaAmori, lelikaOgi inkosi yeBashani. Njalo wayenguye yedwa umphathi kulelolizwe ^af.

Ukuhlakanipha lokuphumelela kukaSolomoni

20 UJuda loIsrayeli babebanengi njengetshebetshebe elingaselwandle ngobunengi, besidla, benatha, bethokoza ^ag. 21 USolomoni wayesebusa phezu kwayo yonke imibuso ^ah kusukela emfuleni kuze kufike elizweni lamaFilisti ^ai kuze kufike emngceleni weGibhithe; babeletha izipho, babemsebenzela uSolomoni zonke izinsuku zempilo yakhe ^aj.

22 Njalo ukudla kukaSolomoni ngosuku olulodwa kwakungamakhori* angamatshumi amathathu empuphu ecolekileyo, lamakori angamatshumi ayisithupha empuphu, 23 inkabi ezilitshumi ezinonisiweyo, lenkabi ezingamatshumi amabili zemadlelweni, lezimvu ezilikhulu, ngaphandle kwendluzele ^ak, lemiziki ^al, lemiziki elempondo ezilembaxambaxa ^am, lenyoni ezinonisiweyo. 24 Ngoba wayebusa phezu kwalo lonke nganeno komfula, kusukela eTifisa ^an kusiya eGaza ^ao, laphezu kwawo wonke amakhosi nganeno komfula, njalo wayelokuthula kuzo zonke inhlangothi zakhe ezizingelezeleyo ^ap. 25 UJuda loIsrayeli bahlala-ke bevikelekile, ngulowo lalowo ngaphansi kwesivini sakhe ^aq langaphansi komkhiwa wakhe, kusukela koDani kuze kufike eBherishebha, zonke izinsuku zikaSolomoni ^ar.

26 Njalo uSolomoni wayelezindlwana zamabhiza enqola zakhe ezizinkulungwane ezingamatshumi amane, labagadi bamabhiza abazinkulungwane ezilitshumi lambili ^as. 27 Lalabobaphathi badingela inkosi uSolomoni ukudla, laye wonke osondela etafuleni lenkosi uSolomoni, ngulowo lalowo ngenyanga yakhe; kabatshiyanga kusweleke lutho ^at. 28 Lebhali* lamahlanga awamabhiza lawamabhiza alejubane bakuletha endaweni lapho eyayifanele kube khona, ngulowo lalowo njengemfanelo yakhe.

29 UNkulunkulu wasemnika uSolomoni inhlakanipho lokuqedisisa okukhulu kakhulu ^au, lobubanzi benhliziyo, njengetshebetshebe elisekhunjini lolwandle ^av. 30 Lenhlakanipho kaSolomoni yayinkulu kulenhlakanipho yawo wonke amadodana empumalanga ^aw, lakulenhlakanipho yonke yeGibhithe ^ax. 31 Ngoba wayehlakaniphile kulabo bonke abantu ^ay, okwedlula uEthani ^az umEzira ^ba loHemani ^bb loKalikoli ^bc loDarida amadodana kaMaholi; lebizo lakhe lalisezizweni zonke inhlangothi zonke. 32 Waseqamba izaga ezizinkulungwane ezintathu ^bd, lengoma zakhe zaziyinkulungwane lanhlanu. 33 Wasekhuluma ngezihlahla, kusukela esihlahleni somsedari oseLebhanoni ^be kuze kufike kuhisope* emila iphuma emdulini ^bf; wakhuluma langezinyamazana langezinyoni langezihuquzelayo langezinhlanzi. 34 Kwasekufika abavela ezizweni zonke ukuzwa inhlakanipho kaSolomoni, bevela emakhosini wonke omhlaba ayezwe ngenhlakanipho yakhe ^bg.